| |
|

This overlay will guide you through the buttons:

Shloka 1
।। सनत्कुमार उवाच ।।
तपस्तपति योऽरण्ये वन्यमूलफलाशनः ॥ योऽधीते ऋचमेकां हि फलं स्यात्तत्समं मुने ॥ १ ॥
tapastapati yo'raṇye vanyamūlaphalāśanaḥ .. yo'dhīte ṛcamekāṃ hi phalaṃ syāttatsamaṃ mune .. 1 ..
Shloka 2
श्रुतेरध्ययनात्पुण्यं यदाप्नोति द्विजोत्तमः ॥ तदध्यापनतश्चापि द्विगुणं फलमश्नुते ॥ २ ॥
śruteradhyayanātpuṇyaṃ yadāpnoti dvijottamaḥ .. tadadhyāpanataścāpi dviguṇaṃ phalamaśnute .. 2 ..
Shloka 3
जगद्यथा निरालोकं जायतेऽशशिभास्करम् ॥ विना तथा पुराणं ह्यध्येयमस्मान्मुने सदा ॥ ३॥
jagadyathā nirālokaṃ jāyate'śaśibhāskaram .. vinā tathā purāṇaṃ hyadhyeyamasmānmune sadā .. 3..
Shloka 4
तप्यमानं सदाज्ञानान्निरये योऽपि शास्त्रतः ॥ सम्बोधयति लोकं तं तस्मात्पूज्यः पुराणगः ॥ ४ ॥
tapyamānaṃ sadājñānānniraye yo'pi śāstrataḥ .. sambodhayati lokaṃ taṃ tasmātpūjyaḥ purāṇagaḥ .. 4 ..
Shloka 5
सर्वेषां चैव पात्राणां मध्ये श्रेष्ठः पुराणवित् ॥ पतनात्त्रायते यस्मात्तस्मात्पात्रमुदाहृतम् ॥ ५ ॥
sarveṣāṃ caiva pātrāṇāṃ madhye śreṣṭhaḥ purāṇavit .. patanāttrāyate yasmāttasmātpātramudāhṛtam .. 5 ..
Shloka 6
मर्त्यबुद्धिर्न कर्तव्या पुराणज्ञे कदाचन ॥ पुराणज्ञस्सर्ववेत्ता ब्रह्मा विष्णुर्हरो गुरुः ॥ ६ ॥
martyabuddhirna kartavyā purāṇajñe kadācana .. purāṇajñassarvavettā brahmā viṣṇurharo guruḥ .. 6 ..
Shloka 7
धनं धान्यं हिरण्यं च वासांसि विविधानि च ॥ देयं पुराणविज्ञाय परत्रेह च शर्म्मणे ॥ ७॥
dhanaṃ dhānyaṃ hiraṇyaṃ ca vāsāṃsi vividhāni ca .. deyaṃ purāṇavijñāya paratreha ca śarmmaṇe .. 7..
Shloka 8
यो ददाति महाप्रीत्या पुराणज्ञाय सज्जनः ॥ पात्राय शुभवस्तूनि स याति परमां गतिम्॥८॥
yo dadāti mahāprītyā purāṇajñāya sajjanaḥ .. pātrāya śubhavastūni sa yāti paramāṃ gatim..8..
Shloka 9
महीं गां वा स्यंदनांश्च गजानश्वांश्च शोभनान् ॥ यः प्रयच्छति पात्राय तस्य पुण्यफलं शृणु ॥ ९ ॥
mahīṃ gāṃ vā syaṃdanāṃśca gajānaśvāṃśca śobhanān .. yaḥ prayacchati pātrāya tasya puṇyaphalaṃ śṛṇu .. 9 ..
Shloka 10
अक्षयान्सर्वकामांश्च परत्रेह च जन्मनि ॥ अश्वमेधमखस्यापि स फलं लभते पुमान् ॥ 5.13.१०॥
akṣayānsarvakāmāṃśca paratreha ca janmani .. aśvamedhamakhasyāpi sa phalaṃ labhate pumān .. 5.13.10..
Shloka 11
मही ददाति यस्तस्मै कृष्टां फलवतीं शुभाम् ॥ स तारयति वै वंश्यान्दश पूर्वान्दशापरान् ॥ ११॥
mahī dadāti yastasmai kṛṣṭāṃ phalavatīṃ śubhām .. sa tārayati vai vaṃśyāndaśa pūrvāndaśāparān .. 11..
Shloka 12
इह भुक्त्वाखिलान्कामानंते दिव्यशरीरवान् ॥ विमानेन च दिव्येन शिवलोकं स गच्छति ॥ १२॥
iha bhuktvākhilānkāmānaṃte divyaśarīravān .. vimānena ca divyena śivalokaṃ sa gacchati .. 12..
Shloka 13
न यज्ञैस्तुष्टिमायांति देवाः प्रोक्षणकैरपि ॥ बलिभिः पुष्पपूजाभिर्यथा पुस्तकवाचनैः ॥ १३ ॥
na yajñaistuṣṭimāyāṃti devāḥ prokṣaṇakairapi .. balibhiḥ puṣpapūjābhiryathā pustakavācanaiḥ .. 13 ..
Shloka 14
शंभोरायतने यस्तु कारयेद्धर्मपुस्तकम् ॥ विष्णोरर्कस्य कस्यापि शृणु तस्यापि तत्फलम् ॥ १४॥
śaṃbhorāyatane yastu kārayeddharmapustakam .. viṣṇorarkasya kasyāpi śṛṇu tasyāpi tatphalam .. 14..
Shloka 15
राजसूयाश्वमेधानां फलमाप्नोति मानवः ॥ सूर्यलोकं च भित्त्वाशु ब्रह्मलोकं स गच्छति ॥ १५ ॥
rājasūyāśvamedhānāṃ phalamāpnoti mānavaḥ .. sūryalokaṃ ca bhittvāśu brahmalokaṃ sa gacchati .. 15 ..
Shloka 16
स्थित्वा कल्पशतान्यत्र राजा भवति भूतले ॥ भुंक्ते निष्कंटकं भोगान्नात्र कार्या विचारणा ॥ १६॥
sthitvā kalpaśatānyatra rājā bhavati bhūtale .. bhuṃkte niṣkaṃṭakaṃ bhogānnātra kāryā vicāraṇā .. 16..
Shloka 17
अश्वमेधसहस्रस्य यत्फलं समुदाहृतम् ॥ तत्फलं समावाप्नोति देवाग्रे यो जपं चरेत् ॥ १७ ॥
aśvamedhasahasrasya yatphalaṃ samudāhṛtam .. tatphalaṃ samāvāpnoti devāgre yo japaṃ caret .. 17 ..
Shloka 18
इतिहासपुराणाभ्यां शम्भोरायतने शुभे ॥ नान्यत्प्रीतिकरं शंभोस्तथान्येषां दिवौकसाम् ॥ १८ ॥
itihāsapurāṇābhyāṃ śambhorāyatane śubhe .. nānyatprītikaraṃ śaṃbhostathānyeṣāṃ divaukasām .. 18 ..
Shloka 19
तस्मात्सर्वप्रयत्नेन कार्यं पुस्तकवाचनम् ॥ तथास्य श्रवणं प्रेम्णा सर्वकामफलप्रदम् ॥ १९॥
tasmātsarvaprayatnena kāryaṃ pustakavācanam .. tathāsya śravaṇaṃ premṇā sarvakāmaphalapradam .. 19..
Shloka 20
पुराणश्रवणाच्छंभोर्निष्पापो जायते नरः ॥ भुक्त्वा भोगान्सुविपुलाञ्छिवलोकमवाप्नुयात् ॥ 5.13.२०॥
purāṇaśravaṇācchaṃbhorniṣpāpo jāyate naraḥ .. bhuktvā bhogānsuvipulāñchivalokamavāpnuyāt .. 5.13.20..
Shloka 21
राजसूयेन यत्पुण्यमग्निष्टोमशतेन च ॥ तत्पुण्यं लभते शंभोः कथाश्रवणमात्रतः ॥ २१ ॥
rājasūyena yatpuṇyamagniṣṭomaśatena ca .. tatpuṇyaṃ labhate śaṃbhoḥ kathāśravaṇamātrataḥ .. 21 ..
Shloka 22
सर्वतीर्थावगाहेन गां कोटिप्रदानतः ॥ तत् फलं लभते शंभोः कथाश्रवणतो मुने ॥ २२ ॥
sarvatīrthāvagāhena gāṃ koṭipradānataḥ .. tat phalaṃ labhate śaṃbhoḥ kathāśravaṇato mune .. 22 ..
Shloka 23
ये शृण्वंति कथां शंभोस्सदा भुवनपावनीम् ॥ ते मनुष्या न मंतव्या रुद्रा एव न संशयः ॥ २३ ॥
ye śṛṇvaṃti kathāṃ śaṃbhossadā bhuvanapāvanīm .. te manuṣyā na maṃtavyā rudrā eva na saṃśayaḥ .. 23 ..
Shloka 24
शृण्वतां शिवसत्कीर्तिं सतां कीर्तयतां च ताम् ॥ पदाम्बुजरजांस्येव तीर्थानि मुनयो विदुः ॥ २४॥
śṛṇvatāṃ śivasatkīrtiṃ satāṃ kīrtayatāṃ ca tām .. padāmbujarajāṃsyeva tīrthāni munayo viduḥ .. 24..
Shloka 25
गंतुं निःश्रेयसं स्थानं येऽभिवांछन्ति देहिनः ॥ कथां पौराणिकीं शैवीं भक्त्या शृण्वंतु ते सदा ॥ २५॥
gaṃtuṃ niḥśreyasaṃ sthānaṃ ye'bhivāṃchanti dehinaḥ .. kathāṃ paurāṇikīṃ śaivīṃ bhaktyā śṛṇvaṃtu te sadā .. 25..
Shloka 26
कथां पौराणिकीं श्रोतुं यद्यशक्तस्सदा भवेत् ॥ नियतात्मा प्रतिदिनं शृणुयाद्वा मुहूर्तकम् ॥ २६॥
kathāṃ paurāṇikīṃ śrotuṃ yadyaśaktassadā bhavet .. niyatātmā pratidinaṃ śṛṇuyādvā muhūrtakam .. 26..
Shloka 27
यदि प्रतिदिनं श्रोतुमशक्तो मानवो भवेत् ॥ पुण्यमासादिषु मुने शृणुयाच्छांकरीं कथाम् ॥ २७॥
yadi pratidinaṃ śrotumaśakto mānavo bhavet .. puṇyamāsādiṣu mune śṛṇuyācchāṃkarīṃ kathām .. 27..
Shloka 28
शैवीं कथां हि शृण्वानः पुरुषो हि मुनीश्वर ॥ स निस्तरति संसारं दग्ध्वा कर्ममहाटवीम् ॥ २८॥
śaivīṃ kathāṃ hi śṛṇvānaḥ puruṣo hi munīśvara .. sa nistarati saṃsāraṃ dagdhvā karmamahāṭavīm .. 28..
Shloka 29
कथां शैवीं मुहूर्तं वा तदर्द्धं क्षणं च वा ॥ ये शृण्वxति नरा भक्त्या न तेषां दुर्गतिर्भवेत् ॥ २९॥
kathāṃ śaivīṃ muhūrtaṃ vā tadarddhaṃ kṣaṇaṃ ca vā .. ye śṛṇvaxti narā bhaktyā na teṣāṃ durgatirbhavet .. 29..
Shloka 30
यत्पुण्यं सर्वदानेषु सर्वयज्ञेषु वा मुने ॥ शंभोः पुराणश्रवणात्तत्फलं निश्चलं भवेत् ॥ 5.13.३०॥
yatpuṇyaṃ sarvadāneṣu sarvayajñeṣu vā mune .. śaṃbhoḥ purāṇaśravaṇāttatphalaṃ niścalaṃ bhavet .. 5.13.30..
Shloka 31
विशेषतः कलौ व्यास पुराणश्रवणादृते ॥ परो धर्मो न पुंसां हि मुक्तिध्यानपरः स्मृतः ॥ ३१॥
viśeṣataḥ kalau vyāsa purāṇaśravaṇādṛte .. paro dharmo na puṃsāṃ hi muktidhyānaparaḥ smṛtaḥ .. 31..
Shloka 32
पुराणश्रवणं शम्भोर्नामसंकीर्तनं तथा ॥ कल्पद्रुमफलं रम्यं मनुष्याणां न संशयः ॥ ३२ ॥
purāṇaśravaṇaṃ śambhornāmasaṃkīrtanaṃ tathā .. kalpadrumaphalaṃ ramyaṃ manuṣyāṇāṃ na saṃśayaḥ .. 32 ..
Shloka 33
कलौ दुर्मेधसां पुंसां धर्माचारोझ्झितात्मनाम् ॥ हिताय विदधे शम्भुः पुराणाख्यं सुधारसम् ॥ ३३॥
kalau durmedhasāṃ puṃsāṃ dharmācārojhjhitātmanām .. hitāya vidadhe śambhuḥ purāṇākhyaṃ sudhārasam .. 33..
Shloka 34
एकोऽजरामरस्याद्वै पिबन्नेवामृतं पुमान् ॥ शम्भोः कथामृतापानात्कुलमेवाजरामरम् ॥ ३४॥
eko'jarāmarasyādvai pibannevāmṛtaṃ pumān .. śambhoḥ kathāmṛtāpānātkulamevājarāmaram .. 34..
Shloka 35
या गतिः पुण्यशीलानां यज्वनां च तपस्विनाम् ॥ सा गतिस्सहसा तात पुराणश्रवणात्खलु ॥ ३५॥
yā gatiḥ puṇyaśīlānāṃ yajvanāṃ ca tapasvinām .. sā gatissahasā tāta purāṇaśravaṇātkhalu .. 35..
Shloka 36
ज्ञानवाप्तिर्यदा न स्याद्योगशास्त्राणि यत्नतः ॥ अध्येतव्यानि पौराणं शास्त्रं श्रोतव्यमेव च॥३६॥
jñānavāptiryadā na syādyogaśāstrāṇi yatnataḥ .. adhyetavyāni paurāṇaṃ śāstraṃ śrotavyameva ca..36..
Shloka 37
पापं संक्षीयते नित्यं धर्म्मश्चैव विवर्द्धते॥पुराणश्रवणाज्ज्ञानी न संसारं प्रपद्यते॥३७॥
pāpaṃ saṃkṣīyate nityaṃ dharmmaścaiva vivarddhate..purāṇaśravaṇājjñānī na saṃsāraṃ prapadyate..37..
Shloka 38
अतएव पुराणानि श्रोतव्यानि प्रयत्नतः ॥ धर्मार्थकामलाभाय मोक्षमार्गाप्तये तथा ॥ ३८ ॥
ataeva purāṇāni śrotavyāni prayatnataḥ .. dharmārthakāmalābhāya mokṣamārgāptaye tathā .. 38 ..
Shloka 39
यज्ञैर्दानैस्तपोभिस्तु यत्फलं तीर्थसेवया ॥ तत्फलम समवाप्नोति पुराणश्रवणान्नरः ॥ ३९॥
yajñairdānaistapobhistu yatphalaṃ tīrthasevayā .. tatphalama samavāpnoti purāṇaśravaṇānnaraḥ .. 39..
Shloka 40
न भवेयुः पुराणानि धर्ममार्गे क्षणानि तु ॥ यद्यत्र यद्व्रती स्थाता चात्र पारत्रकी कथाम्॥5.13.४०॥
na bhaveyuḥ purāṇāni dharmamārge kṣaṇāni tu .. yadyatra yadvratī sthātā cātra pāratrakī kathām..5.13.40..
Shloka 41
षड्विंशतिपुराणानां मध्येऽप्येकं शृणोति यः ॥ पठेद्वा भक्तियुक्तस्तु स मुक्तो नात्र संशयः॥४१॥
ṣaḍviṃśatipurāṇānāṃ madhye'pyekaṃ śṛṇoti yaḥ .. paṭhedvā bhaktiyuktastu sa mukto nātra saṃśayaḥ..41..
Shloka 42
अन्यो न दृष्टस्सुखदो हि मार्गः पुराणमार्गो हि सदा वरिष्ठः ॥ शास्त्रं विना सर्वमिदं न भाति सूर्य्येण हीना इव जीवलोकाः॥४२॥
anyo na dṛṣṭassukhado hi mārgaḥ purāṇamārgo hi sadā variṣṭhaḥ .. śāstraṃ vinā sarvamidaṃ na bhāti sūryyeṇa hīnā iva jīvalokāḥ..42..
Shloka 43
इति श्रीशिवमहापुराणे पञ्चम्यामुमासंहितायां पुराणमाहात्म्यवर्णनंनाम त्रयोदशोऽध्यायः ॥ १३॥
iti śrīśivamahāpurāṇe pañcamyāmumāsaṃhitāyāṃ purāṇamāhātmyavarṇanaṃnāma trayodaśo'dhyāyaḥ .. 13..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In