| |
|

This overlay will guide you through the buttons:

Shloka 1
सनत्कुमार उवाच।।
तेषां मूर्द्धोपरिष्टाद्वै नरकांस्ताञ्छृणुष्व च॥मत्तो मुनिवरश्रेष्ठ पच्यंते यत्र पापिनः ॥ १॥
teṣāṃ mūrddhopariṣṭādvai narakāṃstāñchṛṇuṣva ca..matto munivaraśreṣṭha pacyaṃte yatra pāpinaḥ .. 1..
Shloka 2
रौरवश्शूकरो रोधस्तालो विवसनस्तथा ॥ महाज्वालस्तप्तकुंभो लवणोपि विलोहितः॥२॥
rauravaśśūkaro rodhastālo vivasanastathā .. mahājvālastaptakuṃbho lavaṇopi vilohitaḥ..2..
Shloka 3
वैतरणी पूयवहा कृमिणः कृमिभोजनः ॥ असिपत्रवनं घोरं लालाभक्षश्च दारुणः ॥ ३ ॥
vaitaraṇī pūyavahā kṛmiṇaḥ kṛmibhojanaḥ .. asipatravanaṃ ghoraṃ lālābhakṣaśca dāruṇaḥ .. 3 ..
Shloka 4
तथा पूयवहः प्रायो बहिर्ज्वालो ह्यधश्शिराः ॥ संदंशः कालसूत्रश्च तमश्चावीचिरो धनः ॥ ४ ॥
tathā pūyavahaḥ prāyo bahirjvālo hyadhaśśirāḥ .. saṃdaṃśaḥ kālasūtraśca tamaścāvīciro dhanaḥ .. 4 ..
Shloka 5
श्वभोजनोऽथ रुष्टश्च महारौरवशाल्मली ॥ इत्याद्या बहवस्तत्र नरका दुःखदायकाः ॥ ५ ॥
śvabhojano'tha ruṣṭaśca mahārauravaśālmalī .. ityādyā bahavastatra narakā duḥkhadāyakāḥ .. 5 ..
Shloka 6
पच्यंते तेषु पुरुषाः पापकर्मरतास्तु ये ॥ क्रमाद्वक्ष्ये तु तान् व्यास सावधानतया शृणु ॥ ६ ॥
pacyaṃte teṣu puruṣāḥ pāpakarmaratāstu ye .. kramādvakṣye tu tān vyāsa sāvadhānatayā śṛṇu .. 6 ..
Shloka 7
कूटसाक्ष्यं तु यो वक्ति विना विप्रान् सुरांश्च गाः ॥ सदाऽनृतं वदेद्यस्तु स नरो याति रौरवम्॥ ७ ॥
kūṭasākṣyaṃ tu yo vakti vinā viprān surāṃśca gāḥ .. sadā'nṛtaṃ vadedyastu sa naro yāti rauravam.. 7 ..
Shloka 8
भ्रूणहा स्वर्णहर्ता च गोरोधी विश्वघातकः ॥ सुरापो ब्रह्महंता च परद्रव्यापहारकः ॥ ८ ॥
bhrūṇahā svarṇahartā ca gorodhī viśvaghātakaḥ .. surāpo brahmahaṃtā ca paradravyāpahārakaḥ .. 8 ..
Shloka 9
यस्तत्संगी स वै याति मृतो व्यास गुरोर्वधात् ॥ ततः कुंभे स्वसुर्मातुर्गोश्चैव दुहितुस्तथा ॥ ९ ॥
yastatsaṃgī sa vai yāti mṛto vyāsa gurorvadhāt .. tataḥ kuṃbhe svasurmāturgoścaiva duhitustathā .. 9 ..
Shloka 10
साध्व्या विक्रयकृच्चाथ वार्द्धकी केशविक्रयी ॥ तप्तलोहेषु पच्यंते यश्च भक्तं परित्यजेत् ॥ 5.16.१० ॥
sādhvyā vikrayakṛccātha vārddhakī keśavikrayī .. taptaloheṣu pacyaṃte yaśca bhaktaṃ parityajet .. 5.16.10 ..
Shloka 11
अवमंता गुरूणां यः पश्चाद्भोक्ता नराधमः ॥ देवदूषयिता चैव देवविक्रयिकश्च यः ॥ ११ ॥
avamaṃtā gurūṇāṃ yaḥ paścādbhoktā narādhamaḥ .. devadūṣayitā caiva devavikrayikaśca yaḥ .. 11 ..
Shloka 12
अगम्यगामी यश्चांते याति सप्तबलं द्विज ॥ चौरो गोघ्नो हि पतितो मर्यादादूषकस्तथा ॥ १२ ॥ ।
agamyagāmī yaścāṃte yāti saptabalaṃ dvija .. cauro goghno hi patito maryādādūṣakastathā .. 12 .. .
Shloka 13
देवद्विजपितृद्वेष्टा रत्नदूषयिता च यः ॥ स याति कृमिभक्षं वै कृमीनत्ति दुरिष्टकृत् ॥ १३॥
devadvijapitṛdveṣṭā ratnadūṣayitā ca yaḥ .. sa yāti kṛmibhakṣaṃ vai kṛmīnatti duriṣṭakṛt .. 13..
Shloka 14
पितृदेवसुरान् यस्तु पर्यश्नाति नराधमः॥लालाभक्षं स यात्यज्ञो यश्शस्त्रकूटकृन्नरः ॥ १४॥
pitṛdevasurān yastu paryaśnāti narādhamaḥ..lālābhakṣaṃ sa yātyajño yaśśastrakūṭakṛnnaraḥ .. 14..
Shloka 15
यश्चांत्यजेन संसेव्यो ह्यसद्ग्राही तु यो द्विजः ॥ अयाज्ययाजकश्चैव तथैवाभक्ष्य भक्षकः॥ १५ ॥
yaścāṃtyajena saṃsevyo hyasadgrāhī tu yo dvijaḥ .. ayājyayājakaścaiva tathaivābhakṣya bhakṣakaḥ.. 15 ..
Shloka 16
रुधिरौघे पतंत्येते सोमविक्रयिणश्च ये॥मधुहा ग्रामहा याति क्रूरां वैतरणीं नदीम् ॥ १६ ॥
rudhiraughe pataṃtyete somavikrayiṇaśca ye..madhuhā grāmahā yāti krūrāṃ vaitaraṇīṃ nadīm .. 16 ..
Shloka 17
नवयौवनमत्ताश्च मर्यादाभेदिनश्च ये ॥ ते कृत्यं यांत्यशौचाश्च कुलकाजीविनश्च ये ॥ १७ ॥
navayauvanamattāśca maryādābhedinaśca ye .. te kṛtyaṃ yāṃtyaśaucāśca kulakājīvinaśca ye .. 17 ..
Shloka 18
असिपत्रवनं याति वृक्षच्छेदी वृथैव यः॥क्षुरभ्रका मृगव्याधा वह्निज्वाले पतंति ते ॥ १८ ॥
asipatravanaṃ yāti vṛkṣacchedī vṛthaiva yaḥ..kṣurabhrakā mṛgavyādhā vahnijvāle pataṃti te .. 18 ..
Shloka 19
भ्रष्टाचारो हि यो विप्रः क्षत्रियो वैश्य एव च ॥ यात्यंते द्विज तत्रैव यः श्वपाकेषु वह्निदः ॥ १९ ॥
bhraṣṭācāro hi yo vipraḥ kṣatriyo vaiśya eva ca .. yātyaṃte dvija tatraiva yaḥ śvapākeṣu vahnidaḥ .. 19 ..
Shloka 20
व्रतस्य लोपका ये च स्वाश्रमाद्विच्युताश्च ये॥संदंशयातनामध्ये पतंति भृशदारुणे॥5.16.२०॥
vratasya lopakā ye ca svāśramādvicyutāśca ye..saṃdaṃśayātanāmadhye pataṃti bhṛśadāruṇe..5.16.20..
Shloka 21
वीर्यं स्वप्नेषु स्कंदेयुर्ये नरा ब्रह्मचारिणः॥पुत्रा नाध्यापिता यैश्च ते पतंति श्वभोजने ॥ २१ ॥
vīryaṃ svapneṣu skaṃdeyurye narā brahmacāriṇaḥ..putrā nādhyāpitā yaiśca te pataṃti śvabhojane .. 21 ..
Shloka 22
एते चान्ये च नरकाः शतशोऽथ सहस्रशः ॥ येषु दुष्कृतकर्माणः पच्यते यातनागताः ॥ २२ ॥
ete cānye ca narakāḥ śataśo'tha sahasraśaḥ .. yeṣu duṣkṛtakarmāṇaḥ pacyate yātanāgatāḥ .. 22 ..
Shloka 23
तथैव पापान्येतानि तथान्यानि सहस्रशः ॥ भुज्यंते यानि पुरुषैर्नरकांतरगोचरैः ॥ २३॥
tathaiva pāpānyetāni tathānyāni sahasraśaḥ .. bhujyaṃte yāni puruṣairnarakāṃtaragocaraiḥ .. 23..
Shloka 24
वर्णाश्रमविरुद्धं च कर्म कुर्वंति ये नराः॥कर्मणा मनसा वाचा निरये तु पतंति ते॥२४॥
varṇāśramaviruddhaṃ ca karma kurvaṃti ye narāḥ..karmaṇā manasā vācā niraye tu pataṃti te..24..
Shloka 25
अधश्शिरोभिर्दृश्यंते नारका दिवि दैवतैः॥देवानधोमुखान्सर्वानधः पश्यंति नारकाः ॥ २५॥
adhaśśirobhirdṛśyaṃte nārakā divi daivataiḥ..devānadhomukhānsarvānadhaḥ paśyaṃti nārakāḥ .. 25..
Shloka 26
स्थावराः कृमिपाकाश्च पक्षिणः पशवो मृगाः ॥ धार्मिकास्त्रिदशास्तद्वन्मोक्षिणश्च यथाक्रमम्॥२६॥
sthāvarāḥ kṛmipākāśca pakṣiṇaḥ paśavo mṛgāḥ .. dhārmikāstridaśāstadvanmokṣiṇaśca yathākramam..26..
Shloka 27
यावंतो जंतवस्स्वर्गे तावंतो नरकौकसः ॥ पापकृद्याति नरकं प्रायश्चित्तपराङ्मुखः ॥ २७॥
yāvaṃto jaṃtavassvarge tāvaṃto narakaukasaḥ .. pāpakṛdyāti narakaṃ prāyaścittaparāṅmukhaḥ .. 27..
Shloka 28
गुरूणि गुरुभिश्चैव लघूनि लघुभिस्तथा ॥ प्रायश्चित्तानि कालेय मनुस्स्वायम्भुवोऽब्रवीत्॥२८॥
gurūṇi gurubhiścaiva laghūni laghubhistathā .. prāyaścittāni kāleya manussvāyambhuvo'bravīt..28..
Shloka 29
यानि तेषामशेषाणां कर्मार्ण्युक्तानि तेषु वै॥प्रायश्चित्तमशेषेण हरानुस्मरणं परम् ॥ २९॥
yāni teṣāmaśeṣāṇāṃ karmārṇyuktāni teṣu vai..prāyaścittamaśeṣeṇa harānusmaraṇaṃ param .. 29..
Shloka 30
प्रायश्चित्तं तु यस्यैव पापं पुंसः प्रजायते॥कृते पापेऽनुतापोऽपि शिवसंस्मरणं परम्॥5.16.३०॥
prāyaścittaṃ tu yasyaiva pāpaṃ puṃsaḥ prajāyate..kṛte pāpe'nutāpo'pi śivasaṃsmaraṇaṃ param..5.16.30..
Shloka 31
माहेश्वरमवाप्नोति मध्याह्नादिषु संस्मरन्॥प्रातर्निशि च संध्यायां क्षीणपापो भवेन्नरः॥३१॥
māheśvaramavāpnoti madhyāhnādiṣu saṃsmaran..prātarniśi ca saṃdhyāyāṃ kṣīṇapāpo bhavennaraḥ..31..
Shloka 32
मुक्तिं प्रयाति स्वर्गं वा समस्तक्लेशसंक्षयम॥शिवस्य स्मरणादेव तस्य शंभोरुमापतेः ॥ ३२ ॥
muktiṃ prayāti svargaṃ vā samastakleśasaṃkṣayama..śivasya smaraṇādeva tasya śaṃbhorumāpateḥ .. 32 ..
Shloka 33
पापन्तरायो विप्रेन्द्र जपहोमार्चनादि च ॥ भवत्येव न कुत्रापि त्रैलोक्ये मुनिसत्तम ॥ ३३ ॥
pāpantarāyo viprendra japahomārcanādi ca .. bhavatyeva na kutrāpi trailokye munisattama .. 33 ..
Shloka 34
महेश्वरे मतिर्यस्य जपहोमार्चनादिपु ॥ यत्पुण्यं तत्कृतं तेन देवेन्द्रत्वादिकं फलम् ॥ ३४॥
maheśvare matiryasya japahomārcanādipu .. yatpuṇyaṃ tatkṛtaṃ tena devendratvādikaṃ phalam .. 34..
Shloka 35
पुमान्न नरकं याति यः स्मरन्भक्तितो मुने ॥ अहर्निशं शिवं तस्मात्स क्षीणाशेषपातकः ॥ ३५ ॥
pumānna narakaṃ yāti yaḥ smaranbhaktito mune .. aharniśaṃ śivaṃ tasmātsa kṣīṇāśeṣapātakaḥ .. 35 ..
Shloka 36
नरकस्वर्गसंज्ञाये पापपुण्ये द्विजोत्तम ॥ ययोस्त्वेकं तु दुःखायान्यत्सुखायोद्भवाय च ॥ ३६॥
narakasvargasaṃjñāye pāpapuṇye dvijottama .. yayostvekaṃ tu duḥkhāyānyatsukhāyodbhavāya ca .. 36..
Shloka 37
तदेव प्रीतये भूत्वा पुनर्दुःखाय जायते ॥ तत्स्याद्दुःखात्मकं नास्ति न च किंचित्सुखात्मकम् ॥ ३७॥
tadeva prītaye bhūtvā punarduḥkhāya jāyate .. tatsyādduḥkhātmakaṃ nāsti na ca kiṃcitsukhātmakam .. 37..
Shloka 38
मनसः परिणामोऽयं सुखदुःखोपलक्षणः ॥ ज्ञानमेव परं ब्रह्म ज्ञानं तत्त्वाय कल्पते ॥ ३८ ॥
manasaḥ pariṇāmo'yaṃ sukhaduḥkhopalakṣaṇaḥ .. jñānameva paraṃ brahma jñānaṃ tattvāya kalpate .. 38 ..
Shloka 39
ज्ञानात्मकमिदं विश्वं सकलं सचराचरम् ॥ परविज्ञानतः किंचिद्विद्यते न परं मुने ॥ ३९ ॥
jñānātmakamidaṃ viśvaṃ sakalaṃ sacarācaram .. paravijñānataḥ kiṃcidvidyate na paraṃ mune .. 39 ..
Shloka 40
एवमेतन्मयाख्यातं सर्वं नरकमण्डलम् ॥ अत ऊर्ध्वं प्रवक्ष्यामि सांप्रतं मंडलं भुवः ॥ 5.16.४०॥
evametanmayākhyātaṃ sarvaṃ narakamaṇḍalam .. ata ūrdhvaṃ pravakṣyāmi sāṃprataṃ maṃḍalaṃ bhuvaḥ .. 5.16.40..
Shloka 41
इति श्रीशिवमहापुराणे पञ्चम्यामुमासंहितायां ब्रह्माण्डवर्णने नरकोद्धारवर्णनं नाम षोडशोऽध्यायः ॥ १६ ॥
iti śrīśivamahāpurāṇe pañcamyāmumāsaṃhitāyāṃ brahmāṇḍavarṇane narakoddhāravarṇanaṃ nāma ṣoḍaśo'dhyāyaḥ .. 16 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In