| |
|

This overlay will guide you through the buttons:

Shloka 1
नंदिकेश्वर उवाच ।
तत्रांतरे तौ च नाथं प्रणम्य विधिमाधवौ ॥ बद्धांजलिपुटौ तूष्णीं तस्थतुर्दक्षवामगौ ॥ १॥
tatrāṃtare tau ca nāthaṃ praṇamya vidhimādhavau .. baddhāṃjalipuṭau tūṣṇīṃ tasthaturdakṣavāmagau .. 1..
Shloka 2
तत्र संस्थाप्य तौ देवं सकुटुंबं वरासने ॥ पूजयामासतुः पूज्यं पुण्यैः पुरुषवस्तुभिः ॥ २॥
tatra saṃsthāpya tau devaṃ sakuṭuṃbaṃ varāsane .. pūjayāmāsatuḥ pūjyaṃ puṇyaiḥ puruṣavastubhiḥ .. 2..
Shloka 3
पौरुषं प्राकृतं वस्तुज्ञेयं दीर्घाल्पकालिकम् ॥ हारनूपुरकेयूरकिरीटमणिकुंडलैः ॥ ३॥
pauruṣaṃ prākṛtaṃ vastujñeyaṃ dīrghālpakālikam .. hāranūpurakeyūrakirīṭamaṇikuṃḍalaiḥ .. 3..
Shloka 4
यज्ञसूत्रोत्तरीयस्रक्क्षौममाल्यांगुलीयकैः ॥ पुष्पतांबूलकर्पूरचंदनागुरुलेपनैः ॥ ४॥
yajñasūtrottarīyasrakkṣaumamālyāṃgulīyakaiḥ .. puṣpatāṃbūlakarpūracaṃdanāgurulepanaiḥ .. 4..
Shloka 5
धूपदीपसितच्छत्रव्यजनध्वजचामरैः ॥ अन्यैर्दिव्योपहारैश्च वाण्मनोतीतवैभवैः ॥ ५॥
dhūpadīpasitacchatravyajanadhvajacāmaraiḥ .. anyairdivyopahāraiśca vāṇmanotītavaibhavaiḥ .. 5..
Shloka 6
पतियोग्यैः पश्वलभ्यैस्तौ समर्चयतां पतिम् ॥ यद्यच्छ्रेष्ठतमं वस्तु पतियोग्यं हितद्ध्वजे ॥ ६॥
patiyogyaiḥ paśvalabhyaistau samarcayatāṃ patim .. yadyacchreṣṭhatamaṃ vastu patiyogyaṃ hitaddhvaje .. 6..
Shloka 7
तद्वस्त्वखिलमीशोपि पारं पर्यचिकीर्षया ॥ सभ्यानां प्रददौ हृष्टः पृथक्तत्र यथाक्रमम् ॥ ७॥
tadvastvakhilamīśopi pāraṃ paryacikīrṣayā .. sabhyānāṃ pradadau hṛṣṭaḥ pṛthaktatra yathākramam .. 7..
Shloka 8
कोलाहलो महानासीत्तत्र तद्वस्तु गृह्णताम् ॥ तत्रैव ब्रह्मविष्णुभ्यां चार्चितः शंकरः पुरा ॥ ८॥
kolāhalo mahānāsīttatra tadvastu gṛhṇatām .. tatraiva brahmaviṣṇubhyāṃ cārcitaḥ śaṃkaraḥ purā .. 8..
Shloka 9
प्रसन्नः प्राह तौ नम्रौ सस्मितं भक्तिवर्धनः ॥ ९॥
prasannaḥ prāha tau namrau sasmitaṃ bhaktivardhanaḥ .. 9..
Shloka 10
ईश्वर उवाच ।
तुष्टोऽहमद्य वां वत्सौ पूजयाऽस्मिन्महादिने ॥ १०॥
tuṣṭo'hamadya vāṃ vatsau pūjayā'sminmahādine .. 10..
Shloka 11
दिनमेतत्ततः पुण्यं भविष्यति महत्तरम् ॥ शिवरात्रिरिति ख्याता तिथिरेषा मम प्रिया १.९. ॥ ११॥
dinametattataḥ puṇyaṃ bhaviṣyati mahattaram .. śivarātririti khyātā tithireṣā mama priyā 1.9. .. 11..
Shloka 12
एतत्काले तु यः कुर्यात्पूजां मल्लिंगबेरयोः ॥ कुर्यात्तु जगतः कृत्यं स्थितिसर्गादिकं पुमान् ॥ १२॥
etatkāle tu yaḥ kuryātpūjāṃ malliṃgaberayoḥ .. kuryāttu jagataḥ kṛtyaṃ sthitisargādikaṃ pumān .. 12..
Shloka 13
शिवरात्रावहोरात्रं निराहारो जितेंद्रि यः ब् ॥ अर्चयेद्वा यथान्यायं यथाबलमवंचकः ॥ १३॥
śivarātrāvahorātraṃ nirāhāro jiteṃdri yaḥ b .. arcayedvā yathānyāyaṃ yathābalamavaṃcakaḥ .. 13..
Shloka 14
यत्फलं मम पूजायां वर्षमेकं निरंतरम् ॥ तत्फलं लभते सद्यः शिवरात्रौ मदर्चनात् ॥ १४॥
yatphalaṃ mama pūjāyāṃ varṣamekaṃ niraṃtaram .. tatphalaṃ labhate sadyaḥ śivarātrau madarcanāt .. 14..
Shloka 15
मद्धर्मवृद्धिकालोऽयं चंद्र काल इवांबुधेः ॥ प्रतिष्ठाद्युत्सवो यत्र मामको मंगलायनः ॥ १५॥
maddharmavṛddhikālo'yaṃ caṃdra kāla ivāṃbudheḥ .. pratiṣṭhādyutsavo yatra māmako maṃgalāyanaḥ .. 15..
Shloka 16
यत्पुनः स्तंभरूपेण स्वाविरासमहं पुरा ॥ स कालो मार्गशीर्षे तु स्यादाद्रा र्! ऋक्षमर्भकौ ॥ १६॥
yatpunaḥ staṃbharūpeṇa svāvirāsamahaṃ purā .. sa kālo mārgaśīrṣe tu syādādrā r! ṛkṣamarbhakau .. 16..
Shloka 17
आद्रा र्यां! मार्गशीर्षे तु यः पश्येन्मामुमासखम् ॥ मद्बेरमपि वा लिंगं स गुहादपि मे प्रियः ॥ १७॥
ādrā ryāṃ! mārgaśīrṣe tu yaḥ paśyenmāmumāsakham .. madberamapi vā liṃgaṃ sa guhādapi me priyaḥ .. 17..
Shloka 18
अलं दर्शनमात्रेण फलं तस्मिन्दिने शुभे ॥ अभ्यर्चनं चेदधिकं फलं वाचामगोचरम् ॥ १८॥
alaṃ darśanamātreṇa phalaṃ tasmindine śubhe .. abhyarcanaṃ cedadhikaṃ phalaṃ vācāmagocaram .. 18..
Shloka 19
रणरंगतलेऽमुष्मिन्यदहं लिंगवर्ष्मणा ॥ जृंभितो लिंगवत्तस्माल्लिंगस्थानमिदं भवेत् ॥ १९॥
raṇaraṃgatale'muṣminyadahaṃ liṃgavarṣmaṇā .. jṛṃbhito liṃgavattasmālliṃgasthānamidaṃ bhavet .. 19..
Shloka 20
अनाद्यंतमिदं स्तंभमणुमात्रं भविष्यति ॥ दर्शनार्थं हि जगतां पूजनार्थं हि पुत्रको ॥ २०॥
anādyaṃtamidaṃ staṃbhamaṇumātraṃ bhaviṣyati .. darśanārthaṃ hi jagatāṃ pūjanārthaṃ hi putrako .. 20..
Shloka 21
भोगावहमिदं लिंगं भुक्तिं मुक्त्येकसाधनम् ॥ दर्शनस्पर्शनध्यानाज्जंतूनां जन्ममोचनम् १.९. ॥ २१॥
bhogāvahamidaṃ liṃgaṃ bhuktiṃ muktyekasādhanam .. darśanasparśanadhyānājjaṃtūnāṃ janmamocanam 1.9. .. 21..
Shloka 22
अनलाचलसंकाशं यदिदं लिंगमुत्थितम् ॥ अरुणाचलमित्येव तदिदं ख्यातिमेष्यति ॥ २२॥
analācalasaṃkāśaṃ yadidaṃ liṃgamutthitam .. aruṇācalamityeva tadidaṃ khyātimeṣyati .. 22..
Shloka 23
अत्र तीर्थं च बहुधा भविष्यति महत्तरम् ॥ मुक्तिरप्यत्र जंतूनां वासेन मरणेन च ॥ २३॥
atra tīrthaṃ ca bahudhā bhaviṣyati mahattaram .. muktirapyatra jaṃtūnāṃ vāsena maraṇena ca .. 23..
Shloka 24
रथोत्सवादिकल्याणं जनावासं तु सर्वतः ॥ अत्र दत्तं हुतं जप्तं सर्वं कोटिगुणं भवेत् ॥ २४॥
rathotsavādikalyāṇaṃ janāvāsaṃ tu sarvataḥ .. atra dattaṃ hutaṃ japtaṃ sarvaṃ koṭiguṇaṃ bhavet .. 24..
Shloka 25
मत्क्षेत्रादपि सर्वस्मात्क्षेत्रमेतन्महत्तरम् ॥ अत्र संस्मृतिमात्रेण मुक्तिर्भवति देहिनाम् ॥ २५॥
matkṣetrādapi sarvasmātkṣetrametanmahattaram .. atra saṃsmṛtimātreṇa muktirbhavati dehinām .. 25..
Shloka 26
तस्मान्महत्तरमिदं क्षेत्रमत्यंतशोभनम् ॥ सर्वकल्याणसंपूर्णं सर्वमुक्तिकरं शुभम् ॥ २६॥
tasmānmahattaramidaṃ kṣetramatyaṃtaśobhanam .. sarvakalyāṇasaṃpūrṇaṃ sarvamuktikaraṃ śubham .. 26..
Shloka 27
अर्चयित्वाऽत्र मामेव लिंगे लिंगिनमीश्वरम् ॥ सालोक्यं चैव सामीप्यं सारूप्यं सार्ष्टिरेव च ॥ २७॥
arcayitvā'tra māmeva liṃge liṃginamīśvaram .. sālokyaṃ caiva sāmīpyaṃ sārūpyaṃ sārṣṭireva ca .. 27..
Shloka 28
सायुज्यमिति पंचैते क्रियादीनां फलं मतम् ॥ सर्वेपि यूयं सकलं प्राप्स्यथाशु मनोरथम् ॥ २८॥
sāyujyamiti paṃcaite kriyādīnāṃ phalaṃ matam .. sarvepi yūyaṃ sakalaṃ prāpsyathāśu manoratham .. 28..
Shloka 29
नंदिकेश्वर उवाच ।
इत्यनुगृह्य भगवान्विनीतौ विधिमाधवौ ॥ यत्पूर्वं प्रहतं युद्धे तयोः सैन्यं परस्परम् ॥ २९॥
ityanugṛhya bhagavānvinītau vidhimādhavau .. yatpūrvaṃ prahataṃ yuddhe tayoḥ sainyaṃ parasparam .. 29..
Shloka 30
तदुत्थापयदत्यर्थं स्वशक्त्याऽमृतधारया ॥ तयोर्मौढ्यं च वैरं च व्यपनेतुमुवाच तौ ॥ ३०॥
tadutthāpayadatyarthaṃ svaśaktyā'mṛtadhārayā .. tayormauḍhyaṃ ca vairaṃ ca vyapanetumuvāca tau .. 30..
Shloka 31
सकलं निष्कलं चेति स्वरूपद्वयमस्ति मे ॥ नान्यस्य कस्यचित्तस्मादन्यः सर्वोप्यनीश्वरः १.९. ॥ ३१॥
sakalaṃ niṣkalaṃ ceti svarūpadvayamasti me .. nānyasya kasyacittasmādanyaḥ sarvopyanīśvaraḥ 1.9. .. 31..
Shloka 32
पुरस्तात्स्तंभरूपेण पश्चाद्रू पेण चार्भकौ ॥ ब्रह्मत्वं निष्कलं प्रोक्तमीशत्वं सकलं तथा ॥ ३२॥
purastātstaṃbharūpeṇa paścādrū peṇa cārbhakau .. brahmatvaṃ niṣkalaṃ proktamīśatvaṃ sakalaṃ tathā .. 32..
Shloka 33
द्वयं ममैव संसिद्धं न मदन्यस्य कस्यचित् ॥ तस्मादीशत्वमन्येषां युवयोरपि न क्वचित् ॥ ३३॥
dvayaṃ mamaiva saṃsiddhaṃ na madanyasya kasyacit .. tasmādīśatvamanyeṣāṃ yuvayorapi na kvacit .. 33..
Shloka 34
तदज्ञानेन वां वृत्तमीशमानं महाद्भुतम् ॥ तन्निराकर्तुमत्रैवमुत्थितोऽहं रणक्षितौ ॥ ३४॥
tadajñānena vāṃ vṛttamīśamānaṃ mahādbhutam .. tannirākartumatraivamutthito'haṃ raṇakṣitau .. 34..
Shloka 35
त्यजतं मानमात्मीयं मयीशे कुरुतं मतिम् ॥ मत्प्रसादेन लोकेषु सर्वोप्यर्थः प्रकाशते ॥ ३५॥
tyajataṃ mānamātmīyaṃ mayīśe kurutaṃ matim .. matprasādena lokeṣu sarvopyarthaḥ prakāśate .. 35..
Shloka 36
गुरूक्तिर्व्यंजकं तत्र प्रमाणं वा पुनः पुनः ॥ ब्रह्मतत्त्वमिदं गूढं भवत्प्रीत्या भणाम्यहम् ॥ ३६॥
gurūktirvyaṃjakaṃ tatra pramāṇaṃ vā punaḥ punaḥ .. brahmatattvamidaṃ gūḍhaṃ bhavatprītyā bhaṇāmyaham .. 36..
Shloka 37
अहमेव परं ब्रह्म मत्स्वरूपं कलाकलम् ॥ ब्रह्मत्वादीश्वरश्चाहं कृत्यं मेनुग्रहादिकम् ॥ ३७॥
ahameva paraṃ brahma matsvarūpaṃ kalākalam .. brahmatvādīśvaraścāhaṃ kṛtyaṃ menugrahādikam .. 37..
Shloka 38
बृहत्त्वाद्बृंहणत्वाच्च ब्रह्माहं ब्रह्मकेशवौ ॥ समत्वाद्व्यापकत्वाच्च तथैवात्माहमर्भकौ ॥ ३८॥
bṛhattvādbṛṃhaṇatvācca brahmāhaṃ brahmakeśavau .. samatvādvyāpakatvācca tathaivātmāhamarbhakau .. 38..
Shloka 39
अनात्मानः परे सर्वे जीवा एव न संशयः ॥ अनुग्रहाद्यं सर्गांतं जगत्कृत्यं च पंकजम् ॥ ३९॥
anātmānaḥ pare sarve jīvā eva na saṃśayaḥ .. anugrahādyaṃ sargāṃtaṃ jagatkṛtyaṃ ca paṃkajam .. 39..
Shloka 40
ईशत्वादेव मे नित्यं न मदन्यस्य कस्यचित् ॥ आदौ ब्रह्मत्त्वबुद्ध्यर्थं निष्कलं लिंगमुत्थितम् ॥ ४०॥
īśatvādeva me nityaṃ na madanyasya kasyacit .. ādau brahmattvabuddhyarthaṃ niṣkalaṃ liṃgamutthitam .. 40..
Shloka 41
तस्मादज्ञातमीशत्वं व्यक्तं द्योतयितुं हि वाम् ॥ सकलोहमतो जातः साक्षादीशस्तु तत्क्षणात् १.९. ॥ ४१॥
tasmādajñātamīśatvaṃ vyaktaṃ dyotayituṃ hi vām .. sakalohamato jātaḥ sākṣādīśastu tatkṣaṇāt 1.9. .. 41..
Shloka 42
सकलत्वमतो ज्ञेयमीशत्वं मयि सत्वरम् ॥ यदिदं निष्कलं स्तंभं मम ब्रह्मत्वबोधकम् ॥ ४२॥
sakalatvamato jñeyamīśatvaṃ mayi satvaram .. yadidaṃ niṣkalaṃ staṃbhaṃ mama brahmatvabodhakam .. 42..
Shloka 43
लिंगलक्षणयुक्तत्वान्मम लिंगं भवेदिदम् ॥ तदिदं नित्यमभ्यर्च्यं युवाभ्यामत्र पुत्रकौ ॥ ४३॥
liṃgalakṣaṇayuktatvānmama liṃgaṃ bhavedidam .. tadidaṃ nityamabhyarcyaṃ yuvābhyāmatra putrakau .. 43..
Shloka 44
मदात्मकमिदं नित्यं मम सान्निध्यकारणम् ॥ महत्पूज्यमिदं नित्यमभेदाल्लिंगसिंगिनोः ॥ ४४॥
madātmakamidaṃ nityaṃ mama sānnidhyakāraṇam .. mahatpūjyamidaṃ nityamabhedālliṃgasiṃginoḥ .. 44..
Shloka 45
यत्रप्रतिष्ठितं येन मदीयं लिंगमीदृशम् ॥ तत्र प्रतिष्ठितः सोहमप्रतिष्ठोपि वत्सकौ ॥ ४५॥
yatrapratiṣṭhitaṃ yena madīyaṃ liṃgamīdṛśam .. tatra pratiṣṭhitaḥ sohamapratiṣṭhopi vatsakau .. 45..
Shloka 46
मत्साम्यमेकलिंगस्य स्थापने फलमीरितम् ॥ द्वितीये स्थापिते लिंगे मदैक्यं फलमेव हि ॥ ४६॥
matsāmyamekaliṃgasya sthāpane phalamīritam .. dvitīye sthāpite liṃge madaikyaṃ phalameva hi .. 46..
Shloka 47
लिंगं प्राधान्यतः स्थाप्यं तथाबेरं तु गौणकम् ॥ लिंगाभावेन तत्क्षेत्रं सबेरमपि सर्वतः ॥ ४७॥
liṃgaṃ prādhānyataḥ sthāpyaṃ tathāberaṃ tu gauṇakam .. liṃgābhāvena tatkṣetraṃ saberamapi sarvataḥ .. 47..
Shloka 48
इति श्रीशिवमहापुराणे विद्येश्वरसंहितायां नवमोऽध्यायः ॥ ॥ ४८॥
iti śrīśivamahāpurāṇe vidyeśvarasaṃhitāyāṃ navamo'dhyāyaḥ .. .. 48..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In